Борбор шаарда 2-эл аралык кыргыз-азербайжан жаштар форуму өтөт

Бишкекте 20-21-ноябрь күндөрү 2-эл аралык кыргыз-азербайжан жаштар форуму өтөт. Аталган форумдун максаты - эки өлкөнүн жаштарына тиешелүү актуалдуу маселелерди талкуулоо жана мамлекеттик түзүмдөрдүн деңгээлинде кызматташтыкты бекемдөө.

Мындан сырткары студенттердин өз алдынча башкармалыгы жана мамлекеттик эмес уюмдардын жаштардын маселелерин чечүүдө жаралган көйгөйлөрү талкууланат.

Иш-чараны КРнын Эмгек, миграция жана жаштар министрлиги менен Азербайжандын Жаштар жана спорт министрлиги биргеликте уюштурууда.

Автор: Айпери Ганыжан кызы