Путин мурдагы СССРдин жарандары үчүн Орус жарандыгын алууну жеңилдетүүнү сунуштады

Владимир Путин Мамлекеттик Думага Орусиянын жарандыгы боюнча мыйзам долбоорун сунуштады. Анын тексти Орусия парламентинин төмөнкү палатасынын электрондук маалымат базасында жарыяланды. Бул тууралуу орусиялык басылмаларда жазылды.

Анда айтылгандай, документ Орусиянын 2019-2025-жылдарга мамлекеттик миграциялык саясатынын концепциясын ырааттуу ишке ашырууга багытталган. Анын негизинде Орус жарандыгын алуу жана токтотуунун негиздерин, шарттарын, тартибин аныктоо сыяктуу мамилелерди жөнгө салат.

Жаңы мыйзам долбоору орус паспортун жөнөкөйлөтүлгөн тартипте ала турган адамдардын 20дан ашык кошумча категориясын камтыйт, атап айтканда:

Мекендештер (мурдагы СССРдин жарандары жана алардын балдары, ыктыярдуу көчүрүү программасынын катышуучулары);
Орусиянын аймагында Орус жарандыгы бар жакын туугандары барлар;
Орусиянын аймагында же Советтер Союзунун аймагында туруктуу жашагандардын урпактары;
Мурдагы СССРдин курамындагы өлкөлөрдүн жарандыгы бар Улуу Ата Мекендик согуштун ардагерлери;
Орусияга атайын кызмат өтөгөн адамдар;
Кесиби, квалификациясы боюнча же башка себептер боюнча Орусиянын кызыкчылыгындагы адамдар;
1992-жылдын 6-февралына карата Орусиянын аймагында жашаган мурдагы СССРдин жарандары;
1992-жылдын 6-февралына чейин Орусиянын аймагында туулгандар;
Туулган күнүндө ата-энесинин жок дегенде бири мурдагы СССРдин жараны болгон жана Орусияда туруктуу жашагандар;
СССРге же Орусияга аскердик ант берген жана 1992-жылдын 6-февралында башка мамлекеттердин аймактарында Орусиянын аскердик бөлүктөрүндө кызмат өтөгөн аскер адамдары.

Ошол эле учурда алардын башка жарандыгы бар экени Орусия жарандыгын берүүдөн баш тартууга негиз болбойт. Мыйзам долбоору Орусиянын жарандыгын токтотуу институтун киргизет.

Ал эми Орусиянын жарандыгынан ажырай турган аракеттердин тизмеси кеңейүүдө. Аларга террордук кылмыштардан тышкары мамлекетке каршы оор кылмыштар жана баңги кылмыштары да кирет.

Автор: Сезим Жумагулова

01:19 30-12-2021

Жазылуу

РУБРИКАДАГЫ СОҢКУ КАБАРЛАР

02:15 2025-05-18 | Коом жана турмуш

Бишкектин борбордук аянттындагы желек айрылды (видео) 305 0

20:31 2025-05-17 | Түркүн дүйнө

Эрдоган Макрондун манжасын бир топко чейин коё бербей койгон видео тарады (видео) 2877 0

20:30 2025-05-17 | Түркүн дүйнө

Түштүк Кореядагы заводдо ири өрт чыкты (видео) 738 0

18:40 2025-05-17 | Түркүн дүйнө

АКШ түрмөсүнөн 10 туткун качып чыккан (видео) 1662 0

17:14 2025-05-17 | Түркүн дүйнө

Ирак Газа менен Ливанды калыбына келтирүүгө каражат бөлөт 1104 0

16:24 2025-05-17 | Коом жана турмуш

Парижде Садык Шер-Нияз кыргыз акындары менен тамашалуу айтыш курду (видео) 1616 0

Архив

Комментарийлер (5)

XAN-TORO

2021-12-30 03:00:38

Супер инфо,супер кж эмне учун Кыргыз мамлекетинин атынан Голос теле шоусуна катышып финалга чейин жеткен Александр Волкодав жонундо жазбайсынар. Эртен финал болот деп жатышат силер аркылуу окуп маалымат алган биздин РФтеги мекендештер колдоо корсотушу мумкун эле да

+10

Mister-XXX

2021-12-30 08:02:45

XAN-TORO,Супер хайп маалымат,фейк маалымат жазат.Андайлар менен башын оорутпайт.Билесин го жалаң сабатсыз журналисттер иштеп жүрүшөт.

+11

Alixan-Nookat.2015

2021-12-30 11:09:29

Mister-XXX,Туура айтасын

Asmat84

2021-12-30 11:40:15

Башка улутка караганда орустардын келечеги өтө туңгуюка бара жатат. Адамдын калкынын саны боюнча артка кетип атат. Ар кошкон элдердин санын кошуп эптеп кармап атат эсеп санын.дуйно жүзүнүн жек көрүүсү күндөн күнгө күчөөдө. Өз ара ички улуттардын баш көтөрүүсү. Деги койчу өтө чоң коркунучта турат орустар. Бирок Путин алардын баарын бир гана күч менен кармап турат

Antiradikal10

2021-12-30 15:49:44

Asmat84, туура, орустардын саясаты начар жагына кетуудо. Батыш эле эмес, КМШ олколорун озуно каршы коюп баштады. Орус журналисттери эле эмес, орус бийлиги мигранттарга коп сайыла баштады. Бул кетиште Россия озу калышы мумкун. Орустардын улутчулдук саясаты Россиянын озун да чачыратып бытырап кетишине алып барат. Бул нерсе как раз АКШ менен Кытайга керек. Анткени Россия кортогон кендерге бай. Россия 10-20 мамлекетке чачырап кетсе, бул 2 держава буларды каалагандай калчайт.

-2

Комментарий калтыруу үчүн өз ысымыңыз менен кириңиз же каттоодон өтүңүз.