Казакстандын Коопсуздук кеңешинин төрагасы Назарбаев отставкага кетти. Анын милдетин Токаев аткарат

Казакстандын президенти Касым-Жомарт Токаев бүгүн, 5-январда элине дагы кайрылуу жасады. Анда ал кандай гана кырдаал болбосун өлкөдө каларын белгиледи.

"Кандай гана кырдаал болбосун борбордо калам. Бүгүндөн тарта Коопсуздук кеңештин төрагасы катуу чараларды көрүүгө мажбур", - деди ал.

Ошондой эле Казакстандын Коопсуздук кеңешинин төрагасы Нурсултан Назарбаевдин милдетин аткаруу кызматына киришкенин белгиледи.

Белгилей кетсек, Казакстанда 1-январдан тарта газдын кымбатташы себептүү нааразычылык акциясы башталып, 4-январда митинг курчуп, өлкөдө башаламандык орун алды. Бүгүн, 5-январда казак өкмөтү отставкага кетти. Бирок эл дагы деле тынчтана элек, башаламандык дагы деле уланып, бир катар имараттарды басып алды.

Автор: Бактыгүл Момбекова