Курал жарактан тартып айфонго чейин... Казакстанда мародёрлук болду деген видеолор тарап жатат

6-январга караган түн. Казакстанда абал көзөмөлдөн чыгып кетти. Касым-Жоомарт Токаев буга чейин Коопсуздук Кеңешинин төрагасы да болорун жарыялаган болчу. Көп өтпөй Жаматтык коопсуздук келишим уюмунан жардам сурап кайрылды. Анда ал бул аша чапкандык экенин белгилеп, атайын уюштурулуп жаткан, болгондо да көптөгөн даярдыктардан кийинки иш деп сыпаттады. Ошондой эле ал митингчилер шаарларды талкалап, күч түзүмдөрүнүн кызматкерлерин сабап, кыйнагандан тышкары курал сакталган жайлардан бери басып алышты деп белгиледи.

Учурда бир катар телеграм-каналдарда Казакстандын Алматы шаарындагы ири соода түйүнүндө мародёрчулук болду деген видео тарады. Анда уюлдук телефондордун кутулары жерде чачылып жатканы, текчелердеги айнектер талкаланып жатканы көрүнөт. Ага катар эле митингчилер банкка кирип тоноп жатышат деген да видео тарады.

Дагы бир видеого митингге чыккандар Казакстандын куралдуу күчтөрүнүн Улуттук Гвардиясынын куралдары сакталган кампага кирип барышты деп жазылган. Жергиликтүү активисттер казак жарандарын талап-тоноочулукка барбоого чакырып, бул үчүн кылмышкер 5 жылга чейин эркинен ажырашы мүмкүн экендигин эскертишүүдө.

Автор: Бактыгүл Момбекова

01:49 06-01-2022

Жазылуу

РУБРИКАДАГЫ СОҢКУ КАБАРЛАР

02:15 2025-05-18 | Коом жана турмуш

Бишкектин борбордук аянттындагы желек айрылды (видео) 170 0

20:31 2025-05-17 | Түркүн дүйнө

Эрдоган Макрондун манжасын бир топко чейин коё бербей койгон видео тарады (видео) 2795 0

20:30 2025-05-17 | Түркүн дүйнө

Түштүк Кореядагы заводдо ири өрт чыкты (видео) 686 0

18:40 2025-05-17 | Түркүн дүйнө

АКШ түрмөсүнөн 10 туткун качып чыккан (видео) 1591 0

17:14 2025-05-17 | Түркүн дүйнө

Ирак Газа менен Ливанды калыбына келтирүүгө каражат бөлөт 1072 0

16:24 2025-05-17 | Коом жана турмуш

Парижде Садык Шер-Нияз кыргыз акындары менен тамашалуу айтыш курду (видео) 1559 0

Архив

Комментарийлер (12)

Bishkek-Kg

2022-01-06 02:01:48

Биринчи митингде ушундай болот, Крда деле ушундай болгон!!!

-1

XAN-TORO

2022-01-06 02:13:09

Булардын оппозициясы жок болуп атпайбы. Кеп ошондо бизде ар бир тонкорушто элди башкарып тургандар болгон да ал эми буларда жок. Эгер Токаев кетсе ордуна кимди алып келишин деле билишпейт

XAN-TORO

2022-01-06 02:14:45

Баардык келтирилген чыгымдым ордун элдин акчасына калыбына келтирет. Мамлекеттин акчасы бул карапайым элден чогулган налогдун акчалары.

XAN-TORO

2022-01-06 02:15:55

Алдына чыкканды эле талкалай бергендин эмне пайдасы бар. Медициналык жардам орт очургуч машинелерди деле талкалап жатышат ал туура эмес

KaGaH

2022-01-06 02:19:37

1 чи митинг казак туугандар кийин тажрыйбалуу болуп калышат бизге окшоп )))

raikakyz

2022-01-06 03:12:07

Видеолор ачпай жатат да менде, кантип көрө алам туугандар айтып койгулачы.

Jaraisyn

2022-01-06 07:01:48

Э туугандарым биз мактанбайлы бизден үйрөнүшсүн, биз баары бир баатырбыз деп. Өз үйүңдү талкалап, өз үйүңдү тоноп, өз бийлигиңди кулатып эмне үчүн төш кагабыз баатырбыз деп. Эгер чындап коопсуздук күчтөрүн Өзбекистандай кылып салып жиберсин ат деп. Чычар жериң Самарканд болуп кетет. Баатыр жоодо өлөт. Өз үйүңдөгү мас болуп кыйкырып, өкүрүп бийликке каршы операцияны баатырдык деп болобу. Чекарага чык, аябас жоо менен алышып жериңди корго, мына баатырдык!

+10

al-abu-kinesz

2022-01-06 08:38:42

Jaraisyn, жарайсын!!

Salixa.

2022-01-06 10:36:49

Jaraisyn,эн туура !!!!

Jaraisyn

2022-01-06 07:06:14

Казактарга өтө эле ашынып мактаныштын кереги жок. Бизде да талап,тоноо болгон мезгилинде. Ошол талап, тоноп үйлөрдү өрттөгөн жарандар максатсыз көчөгө чыккан чыккынчылар. Бийликти оодарыш үчүн кайсы бирөөнүн магазинин тоноп ( бала-чаканын ырыскысын) бирөөнүн үйүн, унаасын өрттөп, өзүң жашаган шаарды талкалоо бул не деген баатырдык?! Ошонун айынан өлкөбүз артта калып отурат. Төрт жагыбыздан кошуналар тарткылап.

Sajakat14

2022-01-06 09:18:12

Jaraisyn,акыркысында элдик кошуундар эле мородёрлордон шаарды сактап калышты. Болбосо башаламан окуядан колдонуп калайын дегендер ар бир коомдо бар.

alinsan

2022-01-06 09:18:51

Аалымыбыз Максат ажы Токтомушев айткан "Бироонун акысы бироого арам" деп. Мындай кылгандары туура эмес. Ылайым тынчылык болсун эми

Комментарий калтыруу үчүн өз ысымыңыз менен кириңиз же каттоодон өтүңүз.