6-январь: Казакстандын бардык аймагында интернет өчтү

Коңшу Казакстандын бардык аймагында интернет жана чалуулар өчтү. Бул тууралуу ТАСС басылмасы жазды.

Маалыматка ылайык, учурда бүткүл Казакстандын аймагында интернетке кирүү жеткиликтүү эмес. Алматы шаарында телефон менен сүйлөшүү мүмкүн эмес. Анын ичинде бийликтин сайттары, маалымат каражаттары дагы деле иштебей турат.

Эскерте кетсек, буга чейин Алматы шаарынын комендатурасы билдирүү таратып, анда укук коргоо органдары шаарда антитеррордук атайын операцияны баштаганы айтылган. Кечээ, 5-январда уюлдук байланыш жана интернетке кирүү күндүн көпчүлүк бөлүгүндө жок болуп, түштөн кийин иштеген. Бүгүн, 6-январга караган түнү Казакстандын бүткүл аймагында интернет өчтү.

Эске сала кетсек, Казакстандын шаарларында бир нече күндөн бери нааразычылык акциялары өтүп, ал полиция менен кагылышууга жана тополоңго чейин жетти. Өлкөдө өзгөчө кырдаал жарыяланып, өкмөт отставкага кетти.

Автор: Азат Бейшенбеков