Казакстандагы кырдаал: "Алматыда абал оор бойдон калууда"

Казакстандын айрым аймактарында абал туруктуу. Ал эми Алматы шаарында кырдаал курч бойдон калууда. Бул тууралуу аталган өлкөнүн Ички иштер министрлигинин билдирүүсүнө таянып, бир катар басылмалар жазып чыгышты.

"Нур-Султан, Шымкент, Акмола, Кызылорда, Түндүк Казакстан жана Түркстан аймактарында абал туруктуу.

Актөбө, Атырау, Батыш Казакстан, Мангистау облустарында жолдордун бир нече тилкеси жана бир темир жол тосулду.

Аймактарда милициянын жана Улуттук гвардиянын патрулдук кызматы күчөтүлдү: посттор орнотулуп, тартип бузуучулар кармалууда. Ал эми куралдарын таштабагандар жок кылынат", - деп айтылат маалыматта.

Автор: Айпери Бакталбек кызы