"Террорчулар бизди колдонуп кетишти". Талдыкорганда каза болгон СИЗОнун кызматкеринин атасы казакстандыктарга кайрылды

Казакстандын Талдыкорган шаарындагы СИЗОго кол салуудан каза болгон СИЗОнун кызматкери Эрбол Ержановдун атасы уулу тууралуу айтып, казакстандыктарга кайрылды. Бул тууралуу аталган өлкөнүн басылмалары жазышты.

"Уулум СИЗОдо 22 жыл иштеди. 6-январда анын мөөнөтү бүтүп, пенсияга чыгышы керек болчу. Бирок ал ага жетпей калды. Ал өмүрүн мекенинин тынчтыгы, бейпилдиги үчүн берди. Сураныч, бириккиле, террористтер бизди колдонуп кетти. Провокацияга алдырбагыла", - деген маркумдун атасы.

Маркумдун артында атасы, жубайы жана эки баласы калды. Ержановдун уулу аскердик институттун курсанты. Ал атасын акыркы сапарга узатууга келе алган эмес. Анткени ал өлкөдөгү азыркы кырдаалга байланыштуу окуу жайдын базасында.

Талдыкоргандагы СИЗОго кол салуу 7-январда болгон. 15 адамдан турган куралдуу топ тергөө абагынын аймагынан тышкары жерде турган кызматкерлерге ок чыгарган. Натыйжада юстициянын прапорщиги Ержанов Эрбол Тлеубекович башынан жана бутунан алган октон каза болгон.

Эске сала кетсек, Казакстандын шаарларында нааразычылык акциялары 4-январда башталган. Митинг полиция менен кагылышууга жана тополоңго чейин жетти. Өлкөдө өзгөчө кырдаал жарыяланып, өкмөт отставкага кетти.

Акыркы маалыматтар боюнча, кагылышуудан жалпы 164 адам каза болду.

Автор: Азат Бейшенбеков

11:10 10-01-2022

Жазылуу

РУБРИКАДАГЫ СОҢКУ КАБАРЛАР

20:31 2025-05-17 | Түркүн дүйнө

Эрдоган Макрондун манжасын бир топко чейин коё бербей койгон видео тарады (видео) 2305 0

20:30 2025-05-17 | Түркүн дүйнө

Түштүк Кореядагы заводдо ири өрт чыкты (видео) 478 0

18:40 2025-05-17 | Түркүн дүйнө

АКШ түрмөсүнөн 10 туткун качып чыккан (видео) 1267 0

17:14 2025-05-17 | Түркүн дүйнө

Ирак Газа менен Ливанды калыбына келтирүүгө каражат бөлөт 916 0

16:24 2025-05-17 | Коом жана турмуш

Парижде Садык Шер-Нияз кыргыз акындары менен тамашалуу айтыш курду (видео) 1339 0

16:06 2025-05-17 | Коом жана турмуш

Салыкчыларга ата мекендик унаалар тапшырылды 827 0

Архив

Комментарийлер (1)

Mirnar

2022-01-10 15:40:03

Эч кандай террористтер жок эле миллиондогон ар областан чыккан карапайым эл жадаганынан митингке чыктыго. Токаев кыйын аферист экен террористтер мн Кыргыздарга куноо оодара калып.

Комментарий калтыруу үчүн өз ысымыңыз менен кириңиз же каттоодон өтүңүз.