Жаныбек Салиев: “Мыйзам бузган адам партиялык кызматына карабастан жоопкерчиликке тартылат”

Бишкекте бүгүн, 21-ноябрда Башкы прокуратуранын иликтөө башкармалыгынын башчысы Жаныбек Салиев “Мыйзам бузган адам партиялык кызматына карабастан жоопкерчиликке тартылат” деп билдирди.

Ал депутат Ахматбек Келдибековдун кармалышында эч кандай саясий жашыруун сыр жок экенин айтып, бул маселени тергөө органдары эмес, саясатчылардын өздөрү саясатташтырып жаткандыгын айтты.

Мындан сырткары “саясатчылар эмне үчүн президент Алмазбек Атамбаев чет мамлекеттерде жүргөндө эле кармалып кетишет?” деген суроого “Анын кармалышын президенттин иш сапарына байланыштыруунун кажети жок”,- деди Салиев.

Автор: Айпери Ганыжан кызы