Каримовдун небереси Мариам Тилляева жана орусиялык блогер Амиран Сардаров ажырашты

Ислам Каримовдун небереси Мариам Тилляева жана орусиялык блогер Амиран Сардаров ажырашты. Бул тууралуу блогер социалдык тармактагы баракчасына жарыялады.

"Маша экөөбүз ажырашып кеттик. Тилекке каршы, ушундай да болот. Менин жашоомдо болгонуң үчүн рахмат айтам. Сен абдан шайыр, акылдуу жана энергиялуусуң. Мен сенин ошол бойдон калышыңды каалайм! Эч качан капа болбо жана ар дайым ушундай эле шайыр бол. Эң жакшы нерселер сени алдыда күтүп турат деп ойлойм, бактылуу бол!”, - деп жазган блогер.

Амиран Сардаров жана Мариам Тилляева 2021-жылы апрель айында баш кошкон. Үлпөт той АКШнын Лас-Вегас шаарында өткөн.

Амиран Сардаров Орусияда белгилүү блогерлердин бири, "Дневник Хача" ютуб каналынын негиздөөчүсү.

Автор: Кенжебай Сатканалиев