Төрөбай Зулпукаров: "Кыргызстандагы ичүүчү таза суусу жок айылдардын маселесин чечүү зарыл"

Бишкекте бүгүн, 22-ноябрдагы КСДП фракциясынын жыйынында депутат Төрөбай Зулпукаров: “Кыргызстан боюнча ичүүчү таза суусу да, арыктан аккан суусу да жок 5 айыл бар. Мен алардын бирөөсүндө болуп келдим. Айыл Ноокат районунда, Кыргызстан менен Өзбекстандын чек арасында жайгашкан. Эл көлчүктөрдөгү кир сууларды ичип жатышыптыр. Ал жерде 125 үй-бүлө жашайт экен”,- деди.

Таза суу менен камсыз кылуу маселесин чечүү керектигин кошумчалап: “Эмнеге алар таза суусу жок жашашы керек? Суу ташыгыч унаалар менен болсо да таза суу жеткиришибиз керек”,- деди Зулпукаров.

Автор: Айпери Ганыжан кызы