Калыкбек Султанов: “Түндүк-Түштүк альтернативдик жолунун курулушунун биринчи фазасы аяктады”

Бишкекте бүгүн, 22-ноябрда “Ата Мекен” фракциясынын жыйынында Транспорт жана коммуникация министри Калыкбек Султанов Түндүк-Түштүк альтернативдик унаа жолунун курулушу тууралуу маалымат берди.

Ал Бишкек-Ош жолунда күн сайын 350гө жакын унаалар өтөрүн жана жаңы трассага болгон муктаждыкты эл түшүнүп тургандыгын айтты. Мындан сырткары бүгүнкү күндө курулуштун биринчи фазасы бүтүп, экинчи фазасын 2013-жылдын аягына бүтүрүү пландалып жатканын кошумчалады.

“Каражаттар “Эксимбанк” тарабынан бөлүндү. 20 жыл ичинде төлөө үчүн 400 миллион доллар насыя берилди. Кышында Бишкек-Ош жолундагы кыйынчылыктарды билебиз. Тоннель 1969-жылы курулган. Унаалар үчүн бир топ кыйынчылыктар жаралгандыктан өлкөдө аталган альтернативдик жолду куруу демилгеси көтөрүлүп чыккан”,- деди ал.

Автор: Айпери Ганыжан кызы