Көк-Арт ашуусунда кар көчкү алдында калган кытайлык компанияга таандык унаа табылды

11 күн мурда Жалал-Абад облусунун Көк-Арт ашуусунда, тактап айтканда Түндүк-Түштүк (Балыкчы-Казарман-Жалал-Абад) альтернативдик унаа жолунда кар көчкү түшкөн. Кар көчкү "Чайна Роуд" кытайлык компаниянын 4 кызматкерин жана ишканага таандык унааларды басып калган.

Издөө-куткаруу иштеринин жүрүшүндө 24-февралда саат 16:30да Пикап унаасы табылды. Өзгөчө кырдаалдар министрлигинен кабарлашкандай, унаанын ичинде адам болгон эмес.

Учурда "Чайна Роуд" ишканасынын 1 кызматкери дайынсыз болууда.

Эскерте кетсек, 14-февралда Түндүк-Түштүк (Балыкчы-Казарман-Жалал-Абад) альтернативдик унаа жолунун 332 жана 338-чакырымындарында кар көчкү түшүп, 4 адамды кар көчкү басып калган. Алардын үчөө куткарылган.

Автор: Бактыгүл Момбекова
Фото: ӨКМнын басма сөз кызматы