Бишкекте 9 мамлекеттин катышуусунда Борбордук Азиядагы ислам дини тууралуу конференция өтөт

Бишкекте 24-ноябрь күнү “Борбордук Азияда ислам дининин пайда болушундагы интеллектуалдык демилге” аттуу эл аралык конференция өтөт. Иш-чарага Казакстан, Тажикстан, Орусия, Кытай, Иран, Түркия, Ооганстан, Пакистан жана Кыргызстандын коомдук-диний ишмерлери, окумуштуулар, эксперттер катышат. Конференцияда ислам динин изилдөөчүлөр менен эксперттердин диалогу үчүн атайын аянт түзүү маселеси каралат. Мындан сырткары мусулман коомчулугундагы рухий жана социалдык-саясий кыйынчылыктарды биргелешип чечүү каралат. Эл аралык конференциянын жыйынтыгында жалпы катышуучулардын декларациясын кабыл алуу күтүлүүдө.

Автор: Айпери Ганыжан кызы