Акыйкатчы: Орусиядагы мигранттардын негизги көйгөйлөрүнүн бири - “кара тизме”

Кыргыз Республикасынын акыйкатчысы Бакыт Аманбаев 25-ноябрда журналисттер менен жолугушуусунда Орусиядагы мигранттардын көйгөйлөрү тууралуу айтып берди.

Миграция маселеси боюнча өткөн эл аралык форумдун жыйынтыгына токтолуп, Орусиядагы Кыргызстандын жарандары менен жолугушуусунда мигранттардын негизги көйгөйлөрү менен таанышканын айтты.

“Мигранттар Кыргызстанга келип, кайра Орусия баратканда чек арадагылар кара тизмеде экенин айтып, артка кайтарып жатышат. Ар бир рейсте мындай кырдаалга 10дон адам туш болууда. Эмгек мигранттары кара тизмеге киргендиги же кирбегендиги тууралуу маалымат ала албай жаткандыгын айтышууда”,- деди Аманбаев.

Автор: Айпери Ганыжан кызы