Бишкектеги 47-колония жабылды. Соттолгондор жакын арада атайын мекемелерге которулат

Буга чейин Бишкектеги №47 абак жоюлары маалымдалган. Жазаларды аткаруу кызматынан бүгүн, 23-мартта колония жабылганын, демонтаждалгандан кийин кандай жай болорун билдиришти.

"Өкмөттүн жана ЖАКнын ведомстволук буйруктарына ылайык, 47-колония толугу менен демонтаждоо, андан кийин медициналык, турак-жай жана башка жаңы имараттарды куруу боюнча чечим кабыл алынды. Бул тууралуу жумушчу жыйында кабыл алынып, 47-колонияны жоюу процессин, соттолгондорду башка мекемелерге бөлүштүрүү маселеси талкууланды.

Тактап айтканда, жакын арада бардык соттолгондор кылмыш категорияларына жана аларды кармоо режимдерине ылайык, атайын мекемелерге которулат", - дешти мекемеден.

Автор: Бактыгүл Момбекова
Фото: ЖАМКнын маалымат кызматы