Жалал-Абад шаарындагы Барпы-Сейил аллеясына 100 түп павловния дарагынын көчөтү, ал эми Токтогул эс алуу багына 100 түп эмен дарагынын көчөтү отургузулду. Бул туурасында бүгүн, 26-мартта Жалал-Абад шаардык мэриясынан билдиришти.
Белгилей кетсек, өлкө башчысынын "Жашыл мурас" өнөктүгүнүн алкагында жана Жалал-Абад шаардык мэриясы тарабынан жарыяланган 3 айлыктын алкагында шаар аймагына көчөттөрдү отургузуу, айлана-чөйрөнү, арыктарды, сел каналдарын тазалоо жумуштары уланууда.