Исхак Масалиев “Парламенттик борбор” ачууну сунуштоодо

“Кыргызстанда депутаттарды, депутаттыкка талапкерлерди мыйзам долбоорун жазууга, мыйзам менен иштөөгө үйрөтүүчү "Парламенттик борбор" ачуу зарыл”,- деди Кыргыз Республикасынын мамлекеттик салык кызматынын төрагасы Исхак Масалиев, бүгүн, 26-ноябрда "Жогорку Кеңеште өтүп жаткан Мыйзам чыгаруу ишин талдоо жана анын келечеги” аталыштагы илимий-практикалык конференцияда.

“Бул борбор мыйзам чыгаруу тармагында иштегиси келген ар бир жаранга мыйзам менен иштөөнү, мыйзам долбоорлорун жазууну үйрөтүүсү шарт. Мындай демилгени донорлор да колдосо керек”,- деди ал өз сөзүндө.

Ошондой эле Исхак Масалиев айрым парламенттин депутаттары мыйзам чыгаруу жаатында сабаты начар экендигин белгиледи.

Автор: Темирбек Матаев