Тургунбек Кулмурзаев: “Кыргызгаздын” карызы 2 миллиард сомдон ашуун"

Жогорку Кеңештин Отун-энергетика комплекси жана жер казынасын пайдалануу боюнча комитетинин 26-ноябрдагы жыйынында “Кыргызгаз” ААКсынын башкы директору Тургунбек Кулмурзаев аталган компаниянын карызы 2 миллиард сомдон ашык экенин маалымдады.

“2009-жылы мамлекеттик мүлк фонду компаниянын кызматтарын төлөп берген. “Газпром” “Кыргызгаздын” активдерин 38,5 миллионго баалаган. Компаниянын дебитордук карызы 550,1 миллион сомду түзүүдө”,- деди Кулмурзаев.

Мындан сырткары “Кыргызгазды” жеке менчикке өткөрүү боюнча өкмөттөр аралык макулдашуунун ратификациялоо керектигин айтып, 3700 чакырым газ түтүктөрүнүн 60 пайызынын абалы начар экенин кошумчалады.

Автор: Айпери Ганыжан кызы