Каракол шаардык соту мыйзамсыз курулушту баштаган “ШНОС” май куюучу жайына 20 миң сом айып пул салды

Экология жана техникалык коопсуздук боюнча мамлекеттик инспекциясынын аймактык башкармалыгы Ысык-Көл облусунун Каракол шаарындагы Токтогул жана Торгоев көчөлөрүнүн кесилишинде курулуп жаткан май куюучу жайды текшерген.

Мамлекеттик инспекциянын басма сөз кызматынын 26-ноябрда берген маалыматына ылайык, “ШНОС” май куюучу жайы уруксаты жок курулушту баштаган.

Текшерүүнүн жүрүшүндө курулуш токтотулуп, Каракол шаардык соту курулуш ишиндеги эреже бузууларды жок кылуу менен 20 миң сом өлчөмүндө айып пул салды.

Автор: Айпери Ганыжан кызы