Транспорт министрлиги жол оңдогон жумушчуларга 400 миллион сом карыз

Жогорку Кеңештин Транспорт, коммуникация, архитектура жана курулуш боюнча комитетинин 26-ноябрдагы жыйынында депутат Нарынбек Молдобаев “Транспорт министрлиги жол оңдогон жумушчуларга 400 миллион сом карыз” деп билдирди.

Анын айтымында, оңдолуп бүткөн жолдор үчүн каражат бөлүнө элек. Министрликтин карызы кийинки жылга өтүп кетүүдө.

Ал эми Каржы министрлигинин өкүлдөрү карызды жабуу үчүн каражатты ички булактардан издөө керектигин белгилешти.

ошондой эле жыйында республиканын 2013-жылдагы казынасына жана 2014-2015-жылдардагы божомолдоруна өзгөртүү киргизүү маселеси каралды.

Автор: Айпери Ганыжан кызы