
Туристтердин жана кардарлардын ыңгайлуулугу үчүн музейлердин иштөө убактысы жылдырылды. Бул туурасында маданият, маалымат, спорт жана жаштар саясаты министри
Азамат Жаманкулов билдирди.
Ага ылайык, Кыргыз улуттук тарых музейи күнүгө саат 10:00дөн 20:00гө чейин, ал эми Гапар Айтиев атындагы Кыргыз улуттук көркөм өнөр музейи аптанын бейшемби күнү саат 11:00дөн 20:00гө чейин, калган күндөрү саат 11:00дөн 19:00гө чейин иш алып барат.
Буга чейин бекитилген графикке ылайык, бардык музейлер үчүн дүйшөмбү күн дем алыш катары сакталат.