Жогорку Кеңеш: "Кыргызгазды" сатууга байланышкан мыйзам долбоору биринчи окууда кабыл алынды

Жогорку Кеңеште бүгүн, 27-ноябрда “Кыргызгазды” сатууга байланышкан мыйзам долбоору биринчи окууда кабыл алынды. 80 депутат каттоодон өтүп, мыйзамга 65 депутат "макул", 15 депутат "каршы" деп добуш берди.

Эскерте кетсек, “Кыргызгаз” Орусиянын “Газпром” компаниясына 1 долларга сатылганы жатат. Өкмөт билдиргендей, ишкана сатылса, Кыргызстанга газ үзгүлтүксүз, азыркыдан арзан баада берилип баштайт. Ал эми айрым депутаттар ишкана сатылса кыргыз бийлиги Орусияга көз каранды боло тургандыгын айтышты.

Автор: Автандил Добулбеков