Япония элчилиги Таластагы 6 мектепке эмеректерди берди

3-декабрда Япониянын Кыргызстандагы элчиси Такаюки Коикэ Талас облусунун Талас районундагы Б.Жанузаков атындагы орто мектепке барып, элчиликтин атынан 6 мектепке парта, отургуч, кийим илгич жана башка керектүү эмеректерди тапшырды.

Элчи менен жолугушууга Өкмөттүн Талас облусундагы өкүлүнүн орун басары Рыскелди Ботиков, райондун акими Байрак Сейдибалиев жана мектеп директорлору катышты.

Ошондой эле Япония элчилиги Чат-Базар айылындагы А.Эшалиев атындагы балдар бакчасын оңдоп-түзөөгө муктаж болгон имараттардын тизмесине жазып кетти.

Автор: Дамира Арстанова