Данияр Тербишалиев, депутат: “Бишкек мэри Иса Өмүркуловду кызматтан бошотуу керек”

Депутат Данияр Тербишалиев ЖКнын 4-декабрдагы жыйынында өкмөт коррупция менен күрөшүүдө кош стандарттуу мамиле жасап жатканын айтты. “Кылмыш иши козголуп, Балыкчы шаарынын мэри кызматтан убактылуу четтетилди. Башкалар да кызматтан алынууда. Бирок Бишкектин мэри Иса Өмүркулов кылмыш иши козголгонуна карабай иштеп жатат. Аны да кызматтан убактылуу четтетүү зарыл. Муну өкмөткө сунуштап, парламент көзөмөлгө алсын",- деди Тербишалиев.

Депутат коррупция менен күрөш күчөгөнүн кошумчалады.

Автор: Автандил Добулбеков