Баткенде дайынсыз жоголгон жаранды издөөгө жергиликтүү тургундар да кошулду

Баткенде 30 жаштагы жаранды издөөгө куткаруучулар менен кошо жергиликтүү жарандар да тартылды. Бул тууралуу Өзгөчө кырдаалдар министрлиги билдирди.

Маалыматка ылайык, 7-август күнү Ак-Татыр айыл өкмөтүнүн Орто-Боз айылынын 30 жаштагы тургуну Кишемиш жайлоосуна мал айдоого кетип, кечки саат 18:00 чамасында ат менен Дөгмөн жайлоосу аркылуу үйүнө кайткан. Бирок үйүнө келген эмес.

Издөө иштерине Баткен шаарынан 9 куткаруучу, жергиликтүү элден 50 жаран, Баткен райондук ички иштер бөлүмүнөн 7 кызматкер тартылган.

Автор: Чолпон Алмазбек кызы