Ысык-Көл. Ак-Суу жана Жети-Өгүз райондорунда уруксат кагазы жок мергенчилик кылып жүргөн жарандар кармалды

КРнын Өкмөтүнүн Ысык-Көл облусундагы Ыйгарымдуу өкүлүнүн басма сөз катчысы Алтынбек Давлетов кабарлагандай, үстүбүздөгү жылдын 7-9-декабрь күндөрү экологиялык Сары-Мойнок тосмосунда (постунда) мергенчилик жана токойчулар департаментинин Ысык-Көлдөгү өкүлчүлүгү менен Ысык-Көл облустук ИИМ кызматкерлери атайын өткөргөн иш-чарасынын негизинде Ак-Суу, Жети-Өгүз райондорунун тоо кыркаларында уруксат кагаздары жок аңчылык кылып жүрүшкөн жарандар кармалды. Алардан 8 баш Сибирь текелери, 1 баш жапайы кой, 1 баш түлкү жана 1 баш каман чочко алынган. Мергенчилер департаментинин облустук өкүлчүлүгү билдиргенге караганда, кармалган жарандар жана алардын мыйзамсыз олжолору тийиштүү органдарга өткөрүлүп берилип, учурда иликтөө иштери жүргүзүлүүдө.

Автор: Айзат Анарбекова