Казакстандагы өрттөн каза тапкандардын жакындарына 15,6 миң доллар кенемте берилет

Казакстандын Абай облусундагы өрттөн каза болгондордун үй-бүлөсүнө "Казакстан Халкына" фонду тарабынан 7 миллион теңге (15,6 миң доллар), буга кошумча артында калган ар бир баласы үчүн 2 миллион теңге (4,4 миң доллар) төлөнөт. Бул тууралуу Казакстандын жергиликтүү басылмалары жазып чыкты.

Маалыматка караганда, каза болгондордун жана жабыркагандардын үй-бүлөлөрүнө керектүү колдоо көрсөтүү үчүн атайын фонд түзүлгөн.

Ал эми Казакстандын 40тан ашык университеттери өрттөн жабыркаган үй-бүлөлөрдүн балдарына гранттарды жана жатаканадан орун берүүгө даяр. Ошондой эле окуу акысын төлөгөн студенттерди грантка которуу каралууда.

Белгилей кетсек, Казакстандын чыгышындагы Абай аймагында 8-июнда өрт кырсыгы катталган. Өрттү өчүрүүгө 1530 адам, 320 техника, 14 тик учак тартылууда. Өрттөн 14 токой кызматкери каза болуп, 460 адам эвакуацияланганы айтылды.

Автор: Ширин Марат кызы