Оштун борбордук аянтына жаңы жылдык балаты 21-декабрда орнотулат

Оштун борбордук аянтына жаңы жылдык балаты 21-декабрда орнотулат. Бул тууралуу бүгүн, 12-декабрда Ош мэриясынын басма сөз кызматы билдирди.

“Ош шаарына эң кооз жана эң чоң балаты орнотулат. Анын жасалгасын жаш балдардын да, карылардын да табитине туура келгидей жасашыбыз керек”,- дейт Ош шаардык муниципалдык менчик башкармалыгынын жетекчиси Алимбай Кадыров.

Анын айтымында, мындай кооз балатыны орнотуу Жаңы жыл алдында шаар тургундарына жана конокторуна майрамдык маанай тартуулайт.

Автор: Дамира Арстанова