Бишкекте Жаңы жылдык иш-чараларга 4 миллион сом жумшалат

Бишкекте Жаңы жылдык иш-чараларга 4 миллион сом жумшаларын Бишкек шаарынын вице-мэри Айгүл Усубакунова билдирди. “Бишкекте 14-декабрдан баштап Жаңы жыл майрамдала баштайт. Ошол күнү өлкөнүн негизги балатысынын ачылышы болот. 19-декабрь күнү “Сейтек” театрында мүмкүнчүлүгү чектелген балдарга арналган майрамдык программалар тартууланып, белектер берилет”,- деди вице-мэр Айгүл Усубакунова журналисттерге берген маалыматында. Ошондой эле мэрия жалпысынан балдар үйүнөн, реабилитациялык борборлордон 13 миңдей баланы Жаңы жылы менен куттуктап, белек тапшырары маалым болду.

Автор: Айдай Асанбекова