Министр Алиясбек Алымкулов: "Союз маалында ата-энелер 5 баласы болсо, анын бирин гана ЖОЖго окутчу, азыр андай эмес"

"Азыр ата-энелер балдарынын баарын жогорку билимдүү кылгысы келет. Бул мамлекеттин бюджетин алсыратып, калкты жакырчылыкка алып келүүдө". Мындай пикирди бүгүн, 14-декабрда "Ата Мекен" фракциясынын жыйынында Жаштар, эмгек жана иш менен камсыздоо министри Алиясбек Алымкулов билдирди. "Союз кезинде ата-энелер 5 баласынын бирин гана ЖОЖго окутчу, калгандары айылда колхоздо иштеп калышчу. Азыр андай эмес",- дейт министр мырза. Анын айтымында, өлкөдөгү жумушсуздукту азайтуунун бир жолу кыргыз жарандары Кыргызстандын ичинде эч кандай каттоосуз ишке орношууга жардам берүү.

Автор: Автандил Добулбеков