№30 шайлоо округу. Кимдер алдыда келе жатат?

Борбордук шайлоо комиссиясы учурда автоматтык саноочу урналардагы добуштардын жыйынтыгын чыгарууда. АСУнун алдын ала маалыматы боюнча, №30 шайлоо округунда төмөнкү талапкерлер эң көп добуш топтошту.

Кубанычбек Самаков – 10 870 добуш (22,60 %)

Улан Бакасов – 9168 добуш (19,06 %)

Жылдыз Таалайбек кызы – 5945 добуш (12,36 %)

Шайлоонун жыйынтыгы АЭУнун соңку берилген маалыматы менен жаңыланып жатат.

Бул округга Нарын шаары, Ак-Талаанын Баетов, Ала-Буга, Кара-Бүргөн, Тоголок Молдо айыл аймактары, Нарын районунун Дөбөлү, Жан-Булак, Жерге-Тал, Миң-Булак, Учкун, Чет-Нура, Эмгек-Талаа айыл аймактары, Ат-Башынын Ак-Моюн, Ат-Башы, Баш-Кайыңды, Казыбек, Кара-Суу айыл аймактары кирет.

Автор: Айсулуу Урустамова