БШК Ошко губернатор болгон Кенжебаевдин депутаттык мөөнөтүн токтотууну карайт

Борбордук шайлоо комиссиясы Жогорку Кеңешинин депутаты Аманкан Кенжебаевдин ыйгарым укуктарын мөөнөтүнөн мурда токтотуу караларын билдирди.

Маалымдалгандай, комиссиянын жыйыны бүгүн, 5-декабрда саат 17:00дө башталат. Жыйында бир катар округдардагы добуш берүүнүн жыйынтыктары да каралмакчы.

Эске салсак, Кенжебаев 3-декабрда президенттин Ош облусундагы ыйгарым укуктуу өкүлү болуп дайындалган. Ал аталган кызматка 30-ноябрда өткөн кезексиз парламенттик шайлоодо тиешелүү добуш топтой албай калгандан кийин бекитилди.

Кенжебев Жогорку Кеңештин депутаттыгына №19 шайлоо округунан талапкерлигин койгон. Автоматтык эсептөөчү урналардын алдын ала чыгарган жыйынтыктарына таянсак, ал 5-орунда. Бир округдан 3 адам гана депутаттык мандат алат.

Ал Жогорку Кеңештин VII чакырылышынын депутаты. Кенжебаев буга чейин да бир катар кызматтарды аркалаган.

Автор: Кылымбек Бейшеев
Фото: Интернеттен алынды