Депутат айрым жарандарга МИКтин үйлөрүн акысыз берүүнү сунуштады

Жогорку Кеңештин депутаты Махабат Мавлянова майыптыгы бар жарандарга, көп жылдык тажрыйбасы бар мугалимдерге Мамлекеттик ипотекалык компаниянын батирлерин акысыз берүүнү сунуштады. Мындай пикирин эл өкүлү 23-декабрда парламент комитеттеринин биргелешкен жыйынында айтты.

"Майыптыгы бар жарандарга, көп жылдан бери иштеп жаткан мугалимдерге акысыз берүүнү сунуштайт элем. Карап бербейсиздерби?",- деп депутат өкмөт башчыга кайрылды.

Министрлер кабинетинин төрагасы Адылбек Касымалиев жогоруда аталган категориядагы жарандарга МИКтин батирлери пайызы аз төлөм менен берилерин айтты.

Автор: Айжанар Рыспек кызы