Оштогу Милициянын кайгуул кызматы президенттин белегин алды

Бүгүн, 29-декабрда Ош шаардык ички иштер башкармалыгынын Милициянын кайгуул кызматы бөлүмүнө президенттин атынан Changan үлгүсүндөгү 5 кызматтык унаа расмий түрдө тапшырылды. Кызматтык унаалардын ачкычтарын Ош шаарынын мэри Жеңишбек Токторбаев бергенин мэриянын басма сөз кызматы билдирди.

Маалым болгондой, Ош шаарында укук коргоо органдарынын гарнизондук саптык кароосу болуп өттү.

Айта кетсек, буга чейин мэриянын атынан 7 унаа белекке берилген. Жана да шаар аймагына видеокөзөмөл камераларын орнотуу үчүн 5 миллион сом акча каражаты бөлүнгөн.

Автор: Замира Ниязбекова