Депутат парламентте кичи райондордогу жолдор тууралуу маселе көтөрдү

Жогорку Кеңештин 21-январдагы жыйынында депутат Дастан Бекешев Бишкектин кичи райондорундагы көп кабаттуу үйлөрдүн арасындагы жолдорду оңдоп-түзөөдөн өткөрүүнү суранды.

Эл өкүлү билдиргендей, бул маселе боюнча тургундардан кайрылуулар түшүп жатат.

"Көп кабаттуу үйлөрдүн арасындагы жолдорду оңдоп-түзөөдөн өткөрүүнү суранам. Эгер керек болсо республикалык бюджеттен каражат бөлүнсө. 5-кичи райондогу жолдордун абалын карап көрүңүздөр, башка кичи райондордогу абал деле ушундай. Эл "бизди унутуп калышкан сыяктуу" деп жазып жатышат",- деди депутат.

Автор: Айжанар Рыспек кызы
Фото: интернеттен алынды