Ош улуттук драма театры ТҮРКСОЙ эл аралык фестивалында баш байгеге ээ болду

Өзбекстандын Анжиян шаарында өткөн ТҮРКСОЙ IV эл аралык театр фестивалында Султан Ибраимов атындагы Ош улуттук драма театры баш байгеге ээ болду. Бул тууралуу бүгүн, 23-октябрда Маданият министрлигинен билдиришти.

Маалыматка ылайык, Ош улуттук драма театры Кыргыз эл жазуучусу Арслан Койчиевдин чыгармасынын негизинде сахналаштырылган "Тагдыр жөнүндө ыр" ("Бир келип кетчи Ош жакка") спектакли менен фестивалга катышкан.

60тан ашуун актёр роль ойногон бул спектаклди Кыргыз эл артисти, режиссёр - Уланмырза Карыпбаев койгон.

Автор: Меерим Кабылова
Фото: Маданият министрлиги