Республикалык олимпиадага Ош шаарынан 40 окуучу катышат

Ош шаардык билим берүү башкармалыгында республикалык олимпиадага тандоо түрү болуп өттү. Ага 10-11-класстардын окуучулары катышып, жыйынтыгы чыгарылды. Анда республикалык олимпиадага Ош шаарынан 40 окуучу жолдомо алышты.

Булардын ичинен "Сема" лицейинин 8 окуучусу биринчи орунга жетишти. "Себат" лицейинин окуучулары да 8 предметтен биринчи орунду алышты. №52-мектептин 4 тарбиялануучусу биринчи орунду багынтышса, "Олимп", "Билим", Киров мектептери да алдынкы орундарга жетише алышты. Бул тууралуу Ош шаардык билим берүү башкармалыгынын башчысы Куштарбек Кимсанов бүгүн, 4-мартта билдирди.

Айта кетсек, республикалык олимпиада 29-30-мартта Бишкек шаарында өтөт.

Автор: Айсана Паизова