Кыргызстанда мунапыска ылайык 64 адам абактан бошотулду

Прокуратура мунапыска ылайык 64 адамды абактан бошотту. Бул тууралуу КРнын Жазаларды аткаруу мамлекеттик кызматынын (ЖАМК) басма сөз кызматы маалымдады.

Маалыматка ылайык, 2014-жылдын 15-мартына чейин прокуратурага 2106 материал тапшырылган. Алардын арасынан:

102 материал – абактан бошотууга;

1990 материал – жаза мөөнөттү кыскартууга;

14 материал кылмыш ишти токтотууга багытталган.

“Прокуратура 1047 материалды канааттандырып, 64 адамды абактан бошотту, 972 адамдын жаза мөөнөттөрүн кыскартты жана 11 адамдын кылмыш ишин токтотту”,- деп маалымдайт ЖАМКтын басма сөз кызматы.

Эскерте кетсек, 2014-жылдын 20-мартында мурунку социалдык өнүгүү министри Равшан Сабиров мунапыска ылайык абактан бошотулган.

Автор: Нургазы Аматов