Жылнаама, 29-март: Мындан 30 жыл мурун обончу, аткаруучу, диктор Жолдубай Кайыпов каза болгон

* Мындан 30 жыл мурун, 1984-жылы обончу, аткаруучу, диктор Жолдубай Кайыпов 37 жашында киши колдуу болуп каза тапкан.

Кыргыз Республикасынын Эмгек сиңирген артисти Жолдубай Кайыпов 1946-жылы 11-августта Нарын облусундагы Ат-Башы районуна караштуу Жаңы-Күч айылында туулган. 1963-жылы Ысык-Көл айыл чарба техникумун, 1974-жылы Б.Бейшеналиева атындагы Искусство институтун бүтүргөн.

Ал эми 1963-1967-жылдары "Пограничник" колхозунда зоотехник, 1965-1973-жылдары опера жана балет театрында солист, 1973-1984-жылдары Кыргыз мамлекеттик телерадиокомитетинде дикторлук кызматты аркалаган.

Жолдубай Кайыпов 1981-жылдан тартып жогорку категориядагы диктор болгон. Орто Азия жана Казакстан Республикаларынын ортосунда өткөрүлгөн "Эң мыкты диктор" сынагынын жеңичүүсү деп табылган. Көптөгөн телеберүүлөрдү, айрыкча "Ыр кесенин" ажарын ача алып барган. 70тей обондун автору. Ошону менен катар мыкты аткаруучу да болгон. Анын “Мекеним", “Атам менен энеме", "Көл үстүндө", "Жашчылык", "Алгачкы кадам", "Кел бийлейли, ырдайлы" жана башка ырлары элге кеңири белгилүү. 1985-жылы, көзү өткөндөн кийин "Ырлар" аттуу ыр-обондор жыйнагы жарыкка чыккан. Улуу таланттын ысымы өзү туулуп-өскөн Жаңы-Күч айылындагы мектепке берилген.

* Мындан 22 жыл мурун, 1992-жылы Кыргызстандын тарыхында биринчи жолу Бишкек менен Москва убактысынын ортосундагы айырма 1 саатка жеткирилген. Ошол эле убакта Бишкек менен Алматы шаарларынын ортосундагы убакыт айырмасы 2 саатты түзгөн. Анын себеби, аталган эки шаарда убакыт жебеси 1 саатка жылдырылып, ал эми Кыргызстанда эски убакыт сакталып калган.

* 4 жыл мурун, 2010-жылы Москва шаарындагы "Любянка" жана "Парк культуры" метролорунда камикадзе террорчулары тарабынан жардыруу болгон. Жарылуунун кесепетинен 41 киши каза болуп, 88 адам ар кандай жаракат алган. Көз жумгандардын арасында Кыргызстандын да жарандары болгон.

Жылнаама толугу менен бул жакта...

Автор: Айпери Ганыжан кызы

09:04 29-03-2014

Жазылуу

РУБРИКАДАГЫ СОҢКУ КАБАРЛАР

00:39 2025-05-14 | Түркүн дүйнө

Палестина калыбына келүү үчүн 15 жыл керек 455 0

00:37 2025-05-14 | Түркүн дүйнө

Трамп Сирияга каршы санкцияларды алып салууну пландап жатканын билдирди 317 0

00:27 2025-05-14 | Кылмыштар, кырсыктар

Бишкекте алдамчылыкка шектелген жаран кармалды 236 0

00:02 2025-05-14 | Түркүн дүйнө

Трамп Кытай АКШнын товарларына өз базарын ачууга макул болгонун айтты 336 0

23:28 2025-05-13 | Түркүн дүйнө

Пакистан Индия менен болгон кагылышуудагы адам курмандыктарын санады 868 0

23:04 2025-05-13 | Саясат

Депутат: "Ивесторлордун бардыгы Жапаров менен Ташиевге ишенишкенинен келип жатышат" (видео) 418 0

Архив

Комментарийлер (3)

baibai71

2014-03-29 11:16:33

Жолдубай Кайыповду олтургон мыкаачылар дагы да эсимде,алар Бейшекенов,Кусайинов,Пашков деген немелер болуучу калп айтбасам.

leben

2014-03-29 15:22:49

baibai71, алар соттолгонбу? Неге олтурушкон эле?

baibai71

2014-03-29 18:05:35

Соттолушса керек эле.Мындай болгон да Ж Кайыпов ишинен кеч кайтат,жолдон ал кылмышкерлер кол которгондо,токтотуп салып алган деп айтылган.Менимче бензинге чыгып калсын деген го.Айтмакчы кылмышкерлердин арасында да бир кыз бар болуш керек эле

Комментарий калтыруу үчүн өз ысымыңыз менен кириңиз же каттоодон өтүңүз.