Кыргызстандын Улуттук оппозициялык кыймылы митинг өткөрүүгө убактылуу тыюу салган чечимди сынга алды

Улуттук оппозициялык кыймыл Бишкек шаардык Биринчи Май райондук сотунун "Ала-Тоо" аянтында, Жогорку Кеңештин имаратынын алдында жана Өкмөт үйүнүн жанында тынчтык митингдерин өткөрүүгө убактылуу тыюу салган чечимин кескин түрдө айыптайт. Бул тууралуу бүгүн, 1-апрелде аталган кыймылдын басма сөз кызматы жарыялады.

Кайрылууга таянсак, анда "сот жогорудагы чечимди расмий бийликтин кысымынын астында кабыл алган" деп жазылат жана "митинг өткөрүүгө тыюу салуу - адам укугун бузуу" деген ой камтылат.

"Биринчи Май райондук сотунун чечими 2010-жылы 27-июнда кабыл алынган КРнын Конституциясынын 34-беренесинин 1, 2, 3-пункттарына карама-каршы келет. Баш мыйзам боюнча ар ким тынч чогулуш өткөрүү эркиндигине укуктуу жана уюштуруучулар бийлик органдарына билдирме берүү менен гана чектелет" деп жазылат кайрылууда.

"Мындан тышкары адам укугун бузган мындай чечимдер качып кеткен президенттер Акаев менен Бакиевдин тушунда кабыл алынып, авторитардык бийликтин тамыр жайышына шарт түзгөн. Бирок адам укугун тебелеген акаевдик-бакиевдик соттун чечимдери бийликти элдин толкунунан сактап кала алган жок",- деп кайрылды оппозициялык кыймыл.

Автор: Нургазы Аматов

14:58 01-04-2014

Жазылуу

РУБРИКАДАГЫ СОҢКУ КАБАРЛАР

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 32 0

20:42 2025-04-30 | Коом жана турмуш

Өлкөдө окуучулар 11 күнгө канукулга чыгат 91 0

20:01 2025-04-30 | Кылмыштар, кырсыктар

Таласта токтоп турган унааны айдай качкан киши кармалды 255 0

19:10 2025-04-30 | Саясат

"Украинадагы согушта атыңыз чыгып жатат". Элвира Сурабалдиева алдамчылардын жаңы ыкмасын айтты (видео) 1021 0

18:43 2025-04-30 | Бизнес-Инфо

Bakai Bank менен Кыргыз футбол союзу кызматташтык тууралуу келишимге кол коюшту 160 0

18:28 2025-04-30 | Коом жана турмуш

Ошто мыйзамсыз ташылып бара жаткан ташбакалар аныкталды 742 0

Архив

Комментарийлер (4)

kara_kulzha

2014-04-01 15:29:05

Калп эле Бийликтен кенден кийин ушинте беришет! Эртең Жантөрөда ушулардын катарында бийликти жамандаса таң калбайм!

Manasasman

2014-04-01 15:43:09

kara_kulzha, чын,мен да тан калбайм

barsa1984

2014-04-01 15:58:25

"Улуттук"деп улуттун кадыр-баркын түшүрбөгүлөчү, улуу урматтуу оппозиция өкүлдөрү.! Силерди деле убагында көргөнбүз Бакиевдин колтугунда жүргөнүңөрдө.... Ошондо кыйратпаган эми эмнени кыйратмак элеңер..!?

bomba

2014-04-01 18:07:11

Эртен бирдик учун 4сом, май айында свет акысы 2 эсе кымбаттаса да тан калып отура бериш кыйын го, митинге тыю салынган деп

Комментарий калтыруу үчүн өз ысымыңыз менен кириңиз же каттоодон өтүңүз.