Кыргызстанда ардагерлердин жаңы коомдук уюму ачылды

2013-жылдын 25-декабрында Кыргызстанда күч түзүмдөрүнүн жана согуш ардагерлеринин коомдук уюму ачылган. Бул тууралуу бүгүн, 15-апрелде маалымат жыйынында Куралдуу күч түзүмдөрүнүн жана согуш ардагерлеринин республикалык кеңешинин башчысынын биринчи орун басары Табылды Молдобаев билдирди.

Анын айтымында, өлкөнүн аймагында 5 миңге чукул ардагер бар.

"Жардамга муктаж болгон ардагерлерге жардам берүү, жаңы аскерликке келген жаштарга туура тарбия берүү жана бийлик менен тыгыз мамиледе иштешүү биздин уюмубуздун негизги максаттары болуп эсептелинет",- деди ал.

Автор: Нургазы Аматов