Айгүл гүлү Баткенге келген коноктордун көз жоосун алууда (фоторепортаж)

Баткен шаарында туризмди өнүктүрүү максатында өткөн "Баткен-2014" II Эл аралык форумунан көрүнүш.

Айгүл гүлү кыргыз элин эле эмес, чет өлкөлөрдөн Баткенге келген коноктордун көз жоосун алып, таң калтырууда. Буга 17-апрелде Баткен шаарында туризмди өнүктүрүү максатында өткөн "Баткен-2014" II Эл аралык форуму далил. Анда чет элдик инвесторлор катышып, айгүл гүлдөрүнүн жанында эстеликке сүрөткө түшүшкөн.

Форумдун жүрүшүндө Американын Кыргызстандагы элчиси Памела Спратлен Баткен облусунун табигый потенциалы жөнүндө укканын жана айгүл гүлүн көрүүнү самап келгенин айткан. Ошондой эле транспорттук инфраструктуранын өнүкпөгөнүнөн улам аймакта туризмди өнүктүрүүдө кыйынчылыктар жаралып жатканын кошумчалады.

Белгилей кетсек, дүйнөнүн саналуу гана жерлеринде өскөн айгүл гүлүн Кыргызстанда бир гана Баткен аймагынан көрүүгө болот. Тактап айтканда, гүл өскөн тоо Айгүл-Таш деп аталып, ал Баткен шаарынан 10 чакырым алыстыкта жайгашкан.

Гүлдүн илимий аты - эдуард чаар гүлү, жыл мезгилинин апрель айында 10-15 күнгө гана гүл ачып турат. Бийиктиги 30 сантиметрден 2 метрге чейин жетип, гүл өскөн аймак 5-6 гектар аянтты ээлейт. Бирок бул гүлдүн башка гүлдөрдөгүдөй жыпар жыты жок.

Аны көрүү үчүн Кыргызстандын ар кайсы аймактарынан көптөгөн жарандар келишип, сейрек кездешүүчү бул өсүмдүктүн сулуулугуна суктанып кетишет. Адистердин айтымында, Кызыл китепке кирген бул гүлдүн саны жылдан-жылга азайып бара жатат, буга анын көп үзүлүп жаткандыгы себеп болууда. Бул гүл Кыргызстандан башка Ооганстан тоо кыркаларында өсөт.

Автор: Айпери Ганыжан кызы
Фото: Бегайым Тажыбай кызы

12:58 21-04-2014

Жазылуу

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 215 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 937 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 1026 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 403 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 528 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 852 0

Архив

Комментарийлер (12)

Danel

2014-04-21 13:25:31

Эн соонун жерда мурдаа барчуу элек.

Nurik.92A92B.

2014-04-21 13:39:49

Абдан мыкты иш чара болуптур! Уюштуручу топко ыраазылык билдируу менен бирге айгул гулу кылымдарга сакталып калышына тилектешмин!

inoplanetyanin

2014-04-21 13:49:01

Batkenim-Altyn Beshigim!

liliya-gul

2014-04-21 14:03:10

Бул да болсо Аллахтын тартуулаган керемети .

universal

2014-04-21 14:38:07

чын эле труба кооз экен )

muslim7

2014-04-21 15:07:57

Айгүл гүлү жер жүзү боюча бир жерде өсөт

syltanmyrat2013

2014-04-21 15:40:09

Чындыгында мындай кооз гулду коро элекмин

aikow92

2014-04-21 16:38:53

Бул биздин гүл деп сыймыктанам, суктанам. Барып көрбөгөнүмө уялам.

Dadasdasd

2014-04-21 17:06:23

Мен ойлойм Баткенди тааныткан өрүк менен айгүл гүлдүн өңү оп- окшоштугунда да сыр болсо керек.

samidinova84

2014-04-21 20:40:04

Гулдоп турган гулду узбо,анын дагы убалы бар.озунчо бир керемет гул экен.

mir89kg

2014-04-21 22:17:54

Чындыгындо ото кооз гул биз шеринеге барганда коргонбуз, соонун барып коргонго татыктуу. Биргана Айгул гулу эмес Манас ордо, Орук зар, Торт-кол жана башка кооз жерлер бар экен! Биир барып корсон армаанын жок калат киши.

Abdyrawit

2014-04-22 02:46:52

Мен да кичинемден бери баткендеги ушул гулду корууну максат кылам.

Комментарий калтыруу үчүн өз ысымыңыз менен кириңиз же каттоодон өтүңүз.