Каржы министри: "Баалуу кагаздарды ишке киргизүү менен Кыргызстан 100 миллион сом киреше тапты"

Бүгүн, 12-июндагы маалымат жыйынында КРнын Каржы министри Ольга Лаврова: "5 жылга чейинки мөөнөт менен баалуу кагаздарды иштетүүдөн Кыргызстан 100 миллион сом киреше тапты",- деп билдирди.

Анын айтымында, республикалык бюджеттин киреше бөлүгүнүн азайып кетишин көзөмөлдөө үчүн Каржы министрлиги баалуу кагаздарды сатуу идеясын иштеп чыккан.

"Буга чейин баалуу кагаздарды кыска мөөнөт менен, 3 айга, 6 айга жана башка милдеттенмелер менен 2 жылга деп чыгарып жатканбыз. 2014-жылы каржы ажырымын толуктоо үчүн көп убакытка чыгаруу боюнча чечим кабыл алдык",- деди ал.

Автор: Айпери Ганыжан кызы