Каржы министрлиги: "2014-жылы Кыргызстандагы бюджеттин таңсыктыгы 9 миллиард 430 миллион сомду түзөт"

Бүгүн, 12-июндагы маалымат жыйынында КРнын Каржы министри Ольга Лаврова "2014-жылы Кыргызстанда каржы таңсыктыгы 9 миллиард 430 миллион сомду түзөт" деп билдирди.

"Бюджеттин ресурстук бөлүгүн аткарып жатабыз. Ал эми пландалган кирешелер бюджетке жетишин камсыз кылуу үчүн жана киреше бөлүгүн аткаруу үчүн бардык чараларды көрүп жатабыз",- деди министр.

Эске салсак, 2014-жылга карата божомолдордо бюджеттин киреше бөлүгү 107,110 миллиард сом, чыгаша бөлүгү 116,553 миллиард сом деп айтылган.

Автор: Айпери Ганыжан кызы