“Дордой” базарынан май айында 34 миллион сом салык жыйналыптыр

Бишкектеги “Дордой” базарынан 2014-жылдын май айында 34,3 миллион сом салык жыйналды. Муну бүгүн, 13-июнда Мамлекеттик салык кызматынан билдиришти. Буга чейин аталган базардан айына 30-32 миллион сомдун тегерегинде салык жыйналып келгенин мекеменин жетекчиси Замирбек Осмонов айтат. Патент алган адамдардын тизмеси түзүлгөнүн белгилеген Осмонов: “Аталган базардан салык жыйноо тартипке салынды деп ишенимдүү айтууга болот. Мындай иштерди башка ири базарларда да жүргүзүүнү пландап жатабыз”,- деди.

Автор: Автандил Добулбеков