Баткен. Сүннөт тойдун акчасына курулган көпүрө колдонууга берилди

Баткендин Кадамжай районунун Бирлик айыл өкмөтүнүн Сырт айылы менен Сай айылын бириктирип туруучу жаңыдан салынган көпүрөнүн ачылышы болду. Бул тууралуу бүгүн, 18-июнда өкүлчүлүктүн басма сөз кызматы билдирди.

Ага өкмөттүн Баткен облусундагы ыйгарым укуктуу өкүлү Жеңиш Разаков, Кадамжай районунун акими Акрам Мадумаров, ошондой эле жергиликтүү тургундар катышты.

Анда Жеңиш Разаков жергиликтүү жашоочуларды ынтымакка чакырып, элдин биримдиги, ынтымагы, жыргал жашоосу үчүн эч нерсе аябаган чыгаан инсандардын көп болушун каалап, кандай гана кыйынчылык болбосун бийлик өкүлдөрү менен элдин ортосунда ынтымак, биримдик болгондо гана бардык нерсени жеңип чыгарын айтып, курулган көпүрө элге кызмат кылсын деген тилегин кошумчалады.

Маалым болгондой, көпүрөнүн жалпы сметалык баасы 700 миң сомду түзүп, 60 тоннага чейинки жүктү көтөрө алган, мамлекеттик стандартка жооп берген көпүрө болуп саналат. Ал Сырт айылынын тургундары - бир туугандар Кеңешбек Исаков жана Назирбек Исаков тарабынан демилге көтөрүлүп курулду.

Алар балдарына сүннөт той кылуу үчүн топтогон акчаны ушундай соопчулук ишине жумшоону туура көрүшүп, тойго кетүүчү акчага эки айылды бириктирүүчү көпүрө салышканын айтышкан. Аларга облус башчысы ыраазычылыгын билдирип өттү.

Автор: Айсана Паизова

09:56 18-06-2014

Жазылуу

РУБРИКАДАГЫ СОҢКУ КАБАРЛАР

18:01 2025-05-07 | Коом жана турмуш

"Өчпөс полк" жүрүшүнүн жаңы маршруту маалым болду 1069 0

17:26 2025-05-07 | Саясат

Садыр Жапаров Москвадагы Жеңиш парадына катышат 1293 0

17:13 2025-05-07 | Коом жана турмуш

Унаанын үстүнө чыгып секирип жаткан жарандын видеосу тарады 2097 0

16:30 2025-05-07 | Коом жана турмуш

"Ашыкча чыгым жаратат". Бишкек мэриясы жарандарга кайрылды 1358 0

16:21 2025-05-07 | Коом жана турмуш

"Манас" аэропортунда Москвага каттамдар жанданды 1355 1

16:19 2025-05-07 | Түркүн дүйнө

Астанада аскердик парадда Казакстандын желеги асманда тартылды (фото, видео) 1698 0

Архив

Комментарийлер (6)

acer11

2014-06-18 10:15:11

Азамат жигиттер экен.Копуро салуу ото чон сооп иш болуптур

Dadasdasd

2014-06-18 11:13:51

Аллах раазы болсун. Ысраптан баш тартуучуларга улгу болсун.

Adidas_91

2014-06-18 11:51:01

Алла ыразы болсун. депутаттар млион акча которсо дагы бир тратуар курганга жарабайт. Азаматсынар.

future_kg

2014-06-18 21:52:15

Эгер окмот курганда, сметасын 700 мин эмес, 7 миллион кылып тузмок! Азаматтар Кыргыздын анык атуулдары деп ушуларды айт!

Almanbet.kg

2014-06-19 19:43:11

700мин эмес 200миндик эле болсо керек стандартка жоон бербейт 60тоннага чейинки жукту эмес 30 тоннаны да которо албайтко ХХХ ХХХ ХХХ ишенбесенер барып деле коргуло

admin_portal

2014-06-20 12:07:17

Almanbet.kg - эскертүү!
Сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-пикирлер info@super.kg же admin@super.kg электрондук даректерге жазылып жөнөтүлүшү керек.
Маалыматты дагы тактаганга аракет кылабыз.

Комментарий калтыруу үчүн өз ысымыңыз менен кириңиз же каттоодон өтүңүз.