Мектеп директорлору менен 5 жылга эмгек келишими түзүлөт

Кыргызстанда мектеп директорлору менен 5 жылга эмгек келишими түзүлөт. Бул тууралуу бүгүн, 8-июлда КРнын Билим берүү жана илим министрлигинин басма сөз кызматы билдирди.

Маалым болгондой, Кыргыз Республикасынын Президентинин “КР мамлекеттик коррупцияга каршы саясат стратегиясы жана коррупцияга каршы аракеттер боюнча иш-чаралар жөнүндөгү” жарлыгын аткаруу жана билим берүү системиндеги коррупциялык схемаларды жокко чыгаруу иш-чараларынын планын ишке ашыруу максатында аталган министрлик Кыргыз Республикасынын Өкмөтүнүн №541-токтому менен бекитилген жалпы билим берүү мекемелери жөнүндө жобого өзгөртүүлөрдү киргизүүнү сунуштайт.

Сунушталган долбоорго ылайык, жалпы билим берүүчү мекемелердин директорлору менен эки жолудан ашпаган мөөнөткө, 5 жылга эмгек келишими түзүлөт.

Автор: Нургазы Аматов