Статистикалык комитет: "Республиканын тышкы соода жүгүртүүсү 2,6 миллиард долларды түздү"

2014-жылдын январь-май айларындагы республиканын тышкы соода жүгүртүүсү 2,6 миллиард долларды түздү. Бул тууралуу бүгүн, 10-июлда маалымат жыйынында КРнын Улуттук статистикалык комитетинин төрагасынын орун басары Жанбулат Байжуманов билдирди.

Анын айтымында, бул көрсөткүч өткөн жылдын тийиштүү мезгилине салыштырганда 6 пайызга төмөндөдү.

"Тышкы соода жүгүртүүнүн кыскарышы газды, бензинди жана дизель майын ташып келүүнүн олуттуу азайышынын эсебинен республикага импорттук түшүүлөрдүн кыскарышы менен шартталды",- деди Байжуманов.

Автор: Нургазы Аматов