Жылнаама, 1-август: Мындан 140 жыл мурун кыргыздардын Кокон хандыгына каршы көтөрүлүшү күч алган

* Мындан 140 жыл мурун, 1874-жылы Кокон хандыгынын түндүк-батыш аймагында орун алган Чаткал жергесинде хандыкка каршы башталган кыргыздардын көтөрүлүшү 1874-жылдын август айынын башында кульминациялык чегине жеткен. Момун Шамурзаков баштаган 10 миң кыргыз Ала-Бука капчыгайы аркылуу Касан шаарына бет алган. Чартак жана Жаңы-Коргон чептеринде жайгашкан хандык бектер Сафид-Булак кыштагына бекинишкен. Кыргыздар 1874-жылдын 1-августунда кокондуктарга кол салышып, аларды кайра чепти карай сүрүшкөн. Кагылышта эки тарап тең оор жоготууга учурап, Касан шаар башчысы Намангандын кашындагы Төрө-Коргонго качкан. Бош калган шаарды кыргыздар каршылыксыз ээлешкен.

* Мындан 65 жыл мурун, 1949-жылы Кыргызстандын экинчи президенти, 2010-жылы 7-апрелде бийлик менен оппозициянын кандуу кагылышынан кийин өлкөбүздөн куулган Курманбек Бакиев Жалал-Абад облусунун Сузак районундагы Масадан (Тейит) айылында туулган.

2005-жылы 24-мартта элдик ыңкылап ишке ашып, ошол элдик ыңкылапты жетектеген лидер К.Бакиевди Кыргызстандын эли президенттикке көрсөтүшкөн. 2005-жылдын 14-августунда жалпы элдик шайлоодо 88,72 пайыз добуш менен К.С.Бакиев президенттикке шайланып, мамлекет башчысынын ыйгарымдарын аткарууга расмий түрдө киришкен. 2009-жылкы президенттик шайлоодо Курманбек Бакиев шайлоочулардын 85,48 пайыз добушу менен экинчи жолу президент болуп шайланган. 2010-жылы 7-апрелде Курманбек Бакиевдин бийликтен кетишин талап кылып карапайым эл көтөрүлгөн. 15-апрелде Убактылуу өкмөт менен Бакиевдин ортосунда сүйлөшүүлөр болуп, ошол эле күнү Бакиев Кыргызстандан чыгып кеткен.

* Мындан 9 жыл мурун, 2005-жылы Сауд Арабия падышасы Фахд ибн Абдель Азиз ас-Сауд инсульттун кесепетинен көз жумган.

1-августта Кыргызстанда жана дүйнөдө орун алган окуялар тууралуу кененирээк бул жактан окуй аласыздар.

Автор: Айпери Ганыжан кызы

08:02 01-08-2014

Жазылуу

РУБРИКАДАГЫ СОҢКУ КАБАРЛАР

08:52 2026-09-29 | Саясат

Чүйдөгү мектеп-интернатта кыздардын көбүнөн педикулез аныкталды 17 0

08:20 2026-09-29 | Спорт

"Ак шумкарлар" Мальдив аралдарын 5:0 эсебинде жеңди 118 0

08:04 2026-09-29 | Коом жана турмуш

29-сентябрга карата чет элдик валюталардын курсу 203 0

23:33 2026-09-28 | Коом жана турмуш

Араванда Шаар куруу жана архитектура башкармалыгынын жаңы имараты пайдаланууга берилди 418 0

22:37 2026-09-28 | Түркүн дүйнө

Иран АКШ менен сүйлөшүүгө да, согуш аракеттерин кайра баштоого да даяр экендигин жарыялады 670 0

21:59 2026-09-28 | Коом жана турмуш

Ош: Жолдордун сапаты тыкыр көзөмөлгө алынат 469 0

Архив

Комментарийлер (6)

aika1405

2014-08-01 09:05:03

Туулган кунунуз менен,Курманбек Салиевич!!!

Bekzamann

2014-08-01 09:15:30

Туулган кунунуз менен урматтуу Курманбек Салиевич! Сизге бекем ден-соолук кажыбас кайрат, уй-булолук бакыт каалайбыз бар болунуз кыргызымдын чыныгы президенти..!

-1

Bekzamann

2014-08-01 09:24:54

Жаратканым бул жашоодо жалган жалаа куру дооматтан озун сактай кор баардык пенделеринди.. Ал эми ошону уюштургандарга ынсап ыйман берин.!

aikow92

2014-08-01 10:04:37

Сауд Арабия падышасы Фахд ибн Абдель Азиз ас-Сауддун арты кайрылуу болсун. Жаткан жери жайлуу болсун! Бейишин болгур...

aikow92

2014-08-01 10:07:25

Кокон хандыгынын запкысын коргон кыргыздар да бир эркин чогултуп кокондуктарга каршы чыгышкан кундордун бири экен. Эхх. Баарына тообо кылып жашайлы. Азыркы жыргал кундордун кадырына жете билели.

DASTAN92

2014-08-01 13:00:19

Куру дооматтын айынан оз элине жаман корунуп,учурда башка мамлекеттте жургон кыргыз республикасынын экс-президентти кыргызстандын бир аз болсо да экономикасын которгон,миллиондогон окуучуну мектеп салыгынан бошоткон ардактуу атуулубуз Бакиев Курманбек Салиевич дин бугунку туулган куну кут болсун озу алыста болсо да аны ою,журогу кыргызстандык экенин тарых кийин жооп берет дайыма бар болунуз .

-1

Комментарий калтыруу үчүн өз ысымыңыз менен кириңиз же каттоодон өтүңүз.