Ош. Кыргыз эли обончу, аткаруучу Токон Эшбаевди акыркы сапарга узатты (фоторепортаж)

Бүгүн, 3-августта Ош шаарындагы Улуттук драма театрында Кыргыз Эл артисти Токон Эшбаевди акыркы сапарга узатуу зыйнаты болуп өттү. Ага Ош, Жалал-Абад облустарынын бийлик өкүлдөрү, чыгармачыл адамдар, жергиликтүү эл жана маркумдун жакын санаалаштары, туугандары катышышты. Анда сөзгө чыккандар обончунун биринчи өмүрү бүгүн токтоп, экинчи өмүрүн кыргыз эли улантарын айтып өтүштү.

Ал эми куудул Абдылда Иманкулов Токон Эшбаев менен 28 жылдан бери ага-ини катары катышып келгенин айтып, "Кыргызстанда бийлик өкүлдөрүнөн жакшы сөз угуш үчүн сөзсүз өлүш керекпи?" деп жашып алды.

Андан соң “Сулайман-Тоо” мечитинде маркумдун жаназасы окулду. Маркумдун сөөгү өзү туулуп-өскөн Кара-Суу районунун Керме-Тоо айылында жерге берилет.

Токон Эшбаев 1950-жылы 21-июлда Ош облусунун Кара-Суу районундагы Керме-Тоо айылында туулган. 1971-жылы Ош мамлекеттик педагогикалык институтунун музыка факультетин аяктаган. Ал Кара-Суу райондук маданият бөлүмүнүн башчысы, Ош облустук ички иштер башкармалыгында инструктор, Рыспай Абдыкадыров атындагы облустук филармониянын директору кызматтарында иш алып барган. Токон Эшбаевдин жүздөн ашуун обондуу ырлары кыргыз журтчулугуна кеңири таралып, Кыргыз радиосунун Алтын фондуна жазылган.

Анын элге кылган кызматы жогору бааланып, 1976-жылы Кыргыз ССР Жогорку Советинин Ардак грамотасы менен сыйланган. 1977-жылы Советтер Союузунун Баатыры, СССРдин Эл артисти Нежданова атындагы сыйлыктын лауреаты болуу менен 1982-жылы Кара-Суу райондук кеңешине депутат болуп шайланат. 1992-жылы "КРнын Эмгек сиңирген артисти" наамына, 2011-жылы "КРнын Эл артисти" наамына татыган.

Эске сала кетсек, обончу, аткаруучу Токон Эшбаев кечээ, 2-августта каза болду.

SUPER.KG порталынын эмгек жамааты кыргыздын атактуу уулу Токон Эшбаевдин көз жумганына байланыштуу үй-бүлөсүнүн жана жакындарынын аза кайгысын тең бөлүшүп, терең кайгыруу менен көңүл айтат.

Автор: Айсана Паизова
Фото: Айсана Паизова

13:25 03-08-2014

Жазылуу

РУБРИКАДАГЫ СОҢКУ КАБАРЛАР

22:31 2025-05-11 | Коом жана турмуш

"Сыймык жана милдет". Кызыл аянтта парадга катышкан Улуттук гвардиянын аскерлери кайтып келишти (видео) 659 0

21:07 2025-05-11 | Кылмыштар, кырсыктар

"Окуяга тиешеси барлар жазаланган". Жоокерлерге үстөмдүк көрсөткөн видео боюнча ӨКМ билдирүү таратты 2584 0

20:35 2025-05-11 | Түркүн дүйнө

Путин менен Эрдоган Орусия менен Украинанын түз сүйлөшүүлөрүн кайра баштоону талкуулашты 973 0

19:22 2025-05-11 | Коом жана турмуш

Жоокерлерге үстөмдүк көрсөтүлгөн видео социалдык баракчаларга тарады 2658 0

17:54 2025-05-11 | Кылмыштар, кырсыктар

Ысык-Көлдүн жолдорунда эреже бузган айдоочулар дрон менен аныкталып жатат (видео) 1059 0

17:21 2025-05-11 | Спорт

Өлкөнүн бокс боюнча жаштар курамасы Шри-Ланкада өтө турган Азия чемпиондугуна жөнөп кетти (тизме) 534 0

Архив

Комментарийлер (37)

melashka

2014-08-03 17:32:01

Жаткан жери жайлуу болсун,топурагы торко болсун.билип билбей кылган куноолорун кечирсин Кудайым карангы горун жарык кылсын Бейишинен жай берсин ылайым!!!Жакындарына сабырдуулук каалаайм!

gul-bek

2014-08-03 18:02:42

Кыргыз эли дагы бир чыгаан уулунан ажырап турат!!! жаткан жери жайлуу болсун топурагы торкоо болсун!!!! жаратканым бейишинен насип этсин!!!!

shairbek

2014-08-03 18:05:17

Жакын да супер инфо жарамазан айтып барганда жакшы эле басып журду элего кадр да аттин ай! Жаткан жери жайлуу болсун

sabyr86

2014-08-03 19:17:59

Жаткан жери жайлуу болсун.чынында быйыл чыгаан адамдарыбыз коп кетти.бирок буга Атамбаев куноолу дегендерге тан калам ажал келсе айла жок да.Иманкуловго не болгон озунун арыгын чапкан го сыягы.

femida86

2014-08-03 19:19:37

Блиин... оозунарга келгенин оттойсунар тим еле. Кудай ыраазы болсун. Жайы жаннаттан болсун.

Aitolkun91

2014-08-03 19:25:03

Жаткан жери жайлуу болсун

DASTAN92

2014-08-03 19:47:13

Урматту кыргызстандыктар эмне учун биздин мамлекет онукпой жатат? Эмне учун жерибизде береке жок? Эмне учун ыдырап жатабыз? Эмне учун башкаларга коз карандыбыз? Эмне учун жакшы адамдар азайып бара жатат ? Эмне учун эксперттер кыргызстанды келечекте жоголуп кетуу коркунучунда деп жатышат? Ушунун баарына 5 миллион кыргыз элинин оюн укпай эле ушул талкуудан жыйынтык чыгарсанар болот. А мен жогорудагы создорду окуп алып кыргызстандын жоголуп кетуусуно кыргыздар куноолуу болот деген чечимге келдим!

kakebrat

2014-08-03 20:22:24

жаткан жери жаннатан болсун

furkat80

2014-08-03 20:59:20

жаткан жери жаннаттан болсун. калган омурун балдарына, неберелерине берсин.

Taalai_kg

2014-08-03 22:19:53

иманкулов озунун арыгын чапкан жок ал болгон чындыкты айтты тируу кезинде эч ким сени жакшысын дебейт дайыма бир жеринден ката издеп таап турат анан олгондон кийин гана жакшы адам эле деп кайгырымыш болот ошон учун ар бир адамды тируу кезинде сыйлаш керек чыгармачыл адамдардын онорун чыгармачылыгын баалап аларга татыктуу наам бериш бийлик окулдорунун колунда ошон учун айтып жатат бизге айта турган созунор болсо тируу кезибизде айткыла олгондон кийин эмес деп

mig

2014-08-04 11:27:14

Taalai_kg, наамдар берилиптир го.КРнын Эл артистинен бийик кандай наам берсе дейсиз? Жаткан жери жайлуу болсун, уй-булосуно сабыр берсин, арты жакшылык гана болсун.

kgbekish

2014-08-04 01:29:35

jatkan jeri jailuu bolsun

edico22

2014-08-04 09:51:03

Ыйманы саламат болсун! Озу жок болсо дагы элибизде чыгармалары туболук жашайт!

admin_superstan

2014-08-04 09:54:18

motomoto, жеке билдирүү үчүн купуя бар. Сайттын башка катышуучусун мазактоодон алыс болуңуз! Эскертүү!

momuntay

2014-08-04 12:53:05

Токон агайдын жаткан жери жайлуу, топурагы торкоо болсун. Аттин дунуйо, жакшы инсан эле. Чыгармаларыныз туболук жашай бермекчи.

kubasel

2014-08-05 00:23:42

аай кыргызым ай! дагы бир азаматынан айрылып отурат. деги каякка бара жатабыз, качан супердин сайтын ачпа жалан эле оо дуйно узады деген эле кабар. эми кайгырбаска арга жок, жаткан жери жайлуу, топурагы торко болсун!

Комментарий калтыруу үчүн өз ысымыңыз менен кириңиз же каттоодон өтүңүз.